利物浦守番一分係王道

猪拉多纳

利物浦今季於英超戰績差強人意，踢咗10仗贏得4場咁大把，同上季全力衝冠可謂天淵之別，若想喺獎金豐厚嘅歐聯有一番作為，今晚B組分組賽作客西甲一哥皇馬就要小心部署喇。依家B組除咗排第1嘅皇馬手握9分之外，其餘嘅利物浦、巴素利及盧多格德斯同得3分，機會均等，因此紅軍出線尚未絕望，Peter建議紅軍主帥羅渣士今仗排出全穩守陣式，防線踢得更緊密同硬淨，令皇馬前鋒冇咁易入波，打和攞1分全身而退，絕對冇壞。
最後贏埋「兩弱」一樣掂

點解？畢竟利物浦之後兩輪對住實力較弱嘅巴素利及盧多格德斯，只要發揮出正常，應該可以贏晒進身淘汰賽，所以Peter覺得佢哋今晚作客「銀河艦隊」唔贏唔緊要，最緊要頂住唔輸就掂。紅軍粉絲下年能否仲睇到愛隊繼續征戰歐聯，爭逐呢項水平極高嘅重要錦標，好視乎羅渣士會行邊步棋喇，Peter就介紹佢行呢步比較有建設性、偏向穩陣嘅一步。
金句：送給羅渣士的一葉靈芝草