墨盃決賽拿根亞有好布

猪拉多纳

明早有場墨西哥盃決賽，由拿根亞主場迎戰普埃布拉，拿根亞晉級過程充滿說服力，安達斯雲泰利亞、迪贊寧及查維亞奧路斯高呢個進攻鐵三角火力全開，相反普埃布拉對上兩圈都只係靠12碼淘汰對手，贏波帶幸運成分，一於撐有真材實料嘅拿根亞可以贏波捧盃。

（周三早上11時開賽）

一般盃賽決賽都係喺中立場舉行，點解今場拿根亞會有主場之利？原來墨西哥盃賽制規定，所有打入8強嘅球隊會按照分組賽成績定排名，排名較高嘅球隊喺淘汰賽就有主場資格，拿根亞分組賽成績比普埃布拉好，故此今仗有地利之助。拿根亞先後淘汰瓜達拉哈拉及堤格雷斯兩支墨超球隊，兩場加埋入9球，一對箭頭安達斯雲泰利亞、迪贊寧喺今屆賽事各自攻入5球，加埋已有3球進帳嘅查維亞奧路斯高，前線唔愁冇波入。反而普埃布拉對上兩圈均未能在法定時間內贏波，兩次都係要靠互射12碼晉級，其中4強對手更加只係低組別球隊盧保斯，今次面對殺氣騰騰嘅主隊預料凶多吉少。
屈福特踩多伯明翰一腳

另外英冠周中開快車，伯明翰表現持續低沉，對上四場都冇士哥，主場迎戰榜首屈福特難有勝望，捧客W。另一場雷丁主場鬥洛達咸，雷丁近期入得又失得，近七場聯賽有六場開大盤，洛達咸最近三仗加埋失七球，可選入球大。