愛華頓派W醒里

猪拉多纳

盧卡古巴克里操弗登場

愛華頓同熱刺今晚喺歐霸分途出擊，「拖肥糖」會喺H組主場迎戰法甲嘅里爾，而C組熱刺就會作客希臘球隊卓普利斯。里爾作客唔掂，近六次作客錄得兩和四負，要搶分爭出線嘅愛華頓今場贏得。

（有線61及201台周五凌晨4時05分直播）

上季利市兩兄弟利物浦同愛華頓都有驚喜演出，但今季無以為繼，雙雙沉返落去。其實「拖肥糖」成績下滑，有部分原因係兩大主力盧卡古同巴克里都有傷，「新魔獸」要一直打止痛針頂硬上，搞到狀態不穩，而巴克里就一直養傷至上月中旬先至復出。今場賽前佢兩位均向外界宣布將會強勢回歸，盧卡古話佢已經完全傷愈，有百分百狀態出戰。巴克里亦話經過三、四場比賽後，狀態操弗晒，可以帶領球隊重上勝軌。講得咁口響，如果佢哋做唔到咪好失威？相信佢哋都唔想(火羅)爆收場，今場會加多兩錢肉緊，證明佢哋講得出，做得到！何況里爾今季跌Watt跌得仲犀利過「拖肥糖」，喺歐霸未贏過波，五分在手嘅愛華頓為免夜長夢多，今場誓要攞多三分增加出線機會。
卓普利斯頂住熱刺

至於較早時間開波嘅熱刺今場有門神洛里斯停賽，上場歐霸雖然大炒卓普利斯五個一皮，但今場作客唔易踢；卓普利斯主場戰績不俗，近十一次主場都不敗，而且佢哋復仇心切，唔會再咁易畀熱刺贏波，一於博吓受讓嘅卓普利斯！

（有線61及201台周五凌晨2時直播）

最後講埋I組拿玻里主場對年青人呢場波，拿玻里可以夫添上陣，主力射手希古恩腳風又順，面對近五場輸咗四仗嘅年青人，有望贏兩球或以上，一於捧讓球主勝。

（有線64及203台周五凌晨4時05分直播）