大智慧泥地出色

不死鸟

由於香港氣候太過炎熱關係，雄馬末閹的話，對於爭取成績必有障礙，正如馬王「爆冷」亦要閹後才發揮潛能取得良好成績。今次主角所講係苗禮德馬房的「大智慧」，此駒上季閹後隨即交出冠亞各一，顯見牠閹後情緒穩定得來成果。
「大智慧」（下圖）未閹前亦曾贏出頭馬，雖然該仗所贏的馬「巧奪天工」並唔係強手，但該役第二次出賽，末段一衝便過晒頭，走勢相當強勁，第二次上陣便有如此走勢，足證是匹早熟份子兼質素不弱。但其後再出兩仗都走勢平平，而在晨課時脾氣甚大難以操練，練者苗禮德了解過牠因由後，知道呢匹有質素的雄馬如唔閹割的話，必會影響日後進度及成就，所以建議馬主將牠閹割。
「大智慧」2月中安排做閹割手術，經過休養生息後復原甚快，3月中已可復課踱步，跟住在4月1日出賽，但因賽前操練並無加強打磨，落敗意料中事，練者安排牠上陣旨在體驗牠閹後有無不良效果，二來以實戰來提升狀態，果然經過該仗實戰後，馬匹狀態隨即攀升，而練者安排牠轉戰田泥1200米，全程守好位一推即過，大勝對手二又二分一馬位，而當時用楊啟棠都要負127磅，能以如此強勢壓倒對手實在難得，閹後果然不同，之後升上3班再跑泥地得第二，反映牠泥地性能強勁，預計呢匹早熟佳駟，今季專攻泥地賽必有頭馬見面，屆時加以留意。