般尼侯城死火吼細

猪拉多纳

過去周中歐聯大戶可以話係豐收，其中阿仙奴領先之後，不斷有大注買安德列治下盤，同埋追入球大，果然中得應一應。好大程度上由於市場唔多信任兵工廠防線，尤其出戰歐聯，更加係未夠班，贏緊3球都被逼和，可謂咎由自取，投X者下次見到阿仙奴比賽，切記提防。今晚英超重心推介，般尼主場對侯城，要入球細。

（now 624周六晚11時直播）

般尼今季升上英超後，踢咗10場聯賽，仍然未贏過，最大死因係攻力太曳，只係入得5球咁大把。最近試圖踢得進取啲，但失波就隨即增加，情況更加壞。領隊桑恩戴治現時首要工作係為球隊「止血」，做好防守，再謀突擊，守和攞1分，點都好過輸波冇晒3分。對手侯城亦唔係叻，已連續兩場食白果，雙方水鬥水，寧博細盤。
莫帥留一手 車仔秤先

至於英超今輪焦點大戰，利物浦主場對車路士，車仔三線實力、球員狀態都勝「紅軍」一籌，周中歐聯顯然有所保留，可見莫連奴非常重視呢支老對手，車仔作客讓平半，要上盤。德甲柏達邦演出令人驚喜，作客同級數嘅奧格斯堡，有得受讓半一，必然要下盤。另外，西甲巴塞隆拿近況麻麻，加上剛踢完歐聯，匆匆再戰有暗湧，作客讓艾美利亞兩球，博主隊下盤。