利物浦渺茫中尋找出路

猪拉多纳

當一隊波處於劣勢之下，Peter經常會話佢哋會有兩個機會可翻身，就係渺茫同冇機會。利物浦今季喺英超差強人意，「咬人蘇」蘇亞雷斯離隊後，季初個頭又開得唔靚，搞到之後場場要當正生死戰嚟踢，為爭前四冇得留力，今晚佢哋主場迎戰質勝一籌、順風順水嘅一哥車路士，若然想贏波的話，真係要喺渺茫嘅機會裏尋找喇。
曼聯若失分 尹帥「水」浸眼眉

主帥羅渣士於周中歐聯作客輸畀皇馬之役未有精銳盡出，反而派遣多名新仔上陣嘅做法，賽後引嚟一眾利粉質疑。但呢啲已經成為過去式，今仗紅軍一定要眾志成城，以強陣出擊兼做好防守抵禦車仔，希望能喺艱難之中偷雞擸到3分喇。

至於聯賽三場不勝嘅曼聯，則喺主場奧脫福出戰尾四水晶宮，主帥尹戈爾一定要做番齣好戲，若果連對住實力較弱嘅水晶宮都要再失分，Peter覺得尹帥嗰套「法寶」喺英超唔多啱使喇。
金句：想殺入英超四強，紅軍今仗要從渺茫機會裏尋