獨立隊主W手到「拿」來

猪拉多纳

一隊波如果忘帶射門鞋，相信都冇乜機會可以贏到波，咁嘅情況梗係要支持對家，講緊咪就係阿甲球隊甘拿斯亞囉！佢哋喺對上11場比賽當中，竟然足足有9場要食白果。更弊嘅係球隊踢咗14場聯賽，成條鋒線只係得射手維加迪1個交到貨識入波，真係想搵多個人幫手都難，聽朝佢哋作客仲博盡爭冠軍嘅獨立隊，仲邊會有運行吖？入到波都已經偷笑，係咪？
爭冠戰意鮮明

另邊廂嘅獨立隊暫時只係落後榜首河床5分，聯賽仲剩番6場唔係話冇得追，但首要條件係喺聽朝場波砌低甘拿斯亞攞足3分先。呢隊波主場算有保證，近6場贏足4場，而且佢哋暫時仲係聯賽主場士哥王，以鋒將桑馬田盧斯奴同文古路最近輪住開火嘅狀態，贏波可謂「易絲執」，2.00倍主勝要追。
（六）82 獨立隊 Vs 甘拿斯亞