新特蘭強勢反彈下盤愛得過

猪拉多纳

新特蘭早排被修咸頓狂炒8蛋，唔少投X者追住佢哋嚟反，但「黑貓」情況其實並冇想像咁差，上仗仲反彈贏波添！事實上，新特蘭領隊普耶係有料之人，上季全靠佢臨危受命，先至護級成功，所以唔好低估佢哋。新特蘭主場對跌Watt嘅愛華頓，有得受讓平半，下盤可捧。

（now 622周日晚9時30分直播）
愛華頓表現跌Watt

撇開吞8蛋嗰一役，新特蘭今季整體表現唔係太差，主場對曼聯同熱刺都搶到分，5戰僅不敵阿仙奴，即使「黑貓」勝出率低，但要贏佢哋亦非易事，證明普耶教弱隊確有一手。新特蘭上仗力挫護級對手水晶宮，終止兩連敗，亦為球隊注下強心針，今仗有力立不敗之地。

愛華頓踢10場聯賽，亦只係贏得3場咁大把，對手僅為西布朗、維拉、般尼之流，唔算有說服力。球隊攻守能力亦唔及前兩季，加上近期兼顧歐霸盃，體力難免比較輸蝕，作客讓波信唔過。
捧西維爾大盤

西甲方面，西維爾雖然上輪聯賽輸波，但呢班波畢竟有質素，主場對防線中門大開嘅利雲特，有機會數胡。不過略嫌西維爾讓到球半/兩球過咗火位，建議揀入球大。意甲熱拿亞近況雖然唔錯，但近年都被卡利亞里食住，今次作客卡軍，即使受讓亦唔值博。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！