天鵝靠邦尼做大騷

猪拉多纳

阿仙奴後防散晒

史雲斯今季表現出色，一度試過排喺積分榜第3位，就連阿仙奴名宿阿倫史密夫都大讚「天鵝」控球加速度踢法好睇！今晚英超尾場「兵工廠」阿仙奴作客史雲斯，相信大家都會搶攻爭分，主隊有近排狀態超弗嘅科特迪瓦前鋒韋菲特邦尼，客隊又有入球停不了嘅阿歷斯山齊士，兩位射手今晚誓必射爆對方龍門，心水推介有1.8倍嘅「入球大」！

史雲斯今季開咧戰喺奧脫福對曼聯，小妹當時親身入場見證「天鵝」以2:1贏波，拎咗個頭彩之後係威係勢，連贏般尼同西布朗，一度排聯賽第3位，不過當佢哋遇到修咸頓同車路士呢啲前列分子就投晒降，實力見底，今場對住阿仙奴都冇乜把握話贏波囉。
同A山鬥入波

好彩停賽期滿復出嘅韋菲特邦尼狀態超弗，呢位科特迪瓦前鋒近3場聯賽入4球，遇着阿仙奴後防傷兵問題嚴重，長期養傷嘅迪保治當然未出得，雲格賽前仲證實中堅哥斯尼要抖多大約1個月，加上防中阿迪達都受傷，以史雲斯嘅鋒力，主場要攻破「兵工廠」唔難。

阿仙奴周中歐聯對安德列治，領先3球大好形勢下都被對方追平3:3，賽後領隊雲格又嬲又失望，「兵工廠」近期都係靠智利前鋒阿歷斯山齊士單天保至尊，佢近3場射入5球，仲成為球隊10月份最佳球員。今晚有山齊士同邦尼攜手合演一場入球騷，捧「入球大」最好不過啦！
Data King：阿仙奴英超僅1敗

‧史雲斯過往7次主場鬥阿仙奴只得1場冇波入。

‧阿仙奴近15場英超僅得1敗，其餘成績為9勝5和。

‧計埋英超同英聯盃賽事，史雲斯今季7戰主場有6場先開紀錄。

（日）42 史雲斯 Vs 阿仙奴
盤路解碼

雙方近6次對碰全部開出「半場細」。