綠軍撼巨人珀斯博大霧

猪拉多纳

呢個世界每日都有奇迹發生，例如日前美國就有一名女子產女後出現併發症，心臟停頓45分鐘後，心跳離奇恢復，喺足球場上就更加多意料之外嘅事發生，弱旅爆冷擊敗勁旅，對球迷嚟講，已經係家常便飯。今日澳洲足總盃4強戰，賓特利綠軍主場對珀斯光輝，又係一場強弱懸殊之戰，究竟綠軍能否成為「大衞」，向光輝呢個「巨人歌利亞」挑戰成功？但可以肯定嘅係，光輝今場深知綠軍實力唔強，梗係想快快趣入多幾球KO對手，捧大啱數。

（有線64及203台周二下午4時30分直播）
光輝入得又失得

地區聯賽球隊賓特利綠軍靠住道氣一路殺到嚟4強階段，咁難得爆冷殺到嚟呢個階段，球員實會搏晒命踢，「輸人唔輸陣」，綠軍隨時成為大衞，爆冷擊敗「巨人歌利亞」。當然，珀斯光輝呢個「巨人」又點會咁易被擊敗，球隊依家暫排澳職榜首，最近兩場都贏波，對住弱旅綠軍冇理由唔主攻攞彩，但防守唔係光輝強項，開季至今踢咗7場波，只得1場係保持清白，今場隨時輕敵，掛住進攻而忽略防守，畀對手偷雞成功，入球大值得捧場。

另外今晚亦有英錦標16強賽事，英甲「一哥」布里斯托城主場迎戰乙組嘅AFC溫布頓，布里斯托城喺日前嘅足總盃作客基寧咸留力，球員養精蓄銳搏呢場，有望半場就搞掂AFC溫布頓。最後奧連特會喺主場對諾咸頓，主隊箭頭列斯比同戴夫穆尼因傷缺陣，不過諾咸頓亦多傷兵，兩軍累鬥累，不妨捧細盤。