福勝滿載加罩要防

不死鸟

K344「福勝滿載」（圖）為最新一匹方嘉柏馬房團體馬，同「藍天」一樣來自澳洲，響昆士蘭一戰1200米即勝，雖則話贏一場處女馬賽，不可作為實力指標，最重要係里程剛開始，期望有一定進步空間。血緣方面，父系Brief Truce配種日子唔短，來港子嗣多數實而不華，昔日有「勝利威」、「同心」、「銀星」贏過1、2混合班，近代就有現役「玉峽生輝」由4班贏上目前97分，至於退役前累積8捷?「真旺財」，以及「駔驍之首」跑泥地更在行。
母系源自Snippets，曾勝1100及1200米，外祖母產下「手袋福星」，來港跑19場僅得1亞5季，其後運返澳洲曾3勝1200米，整條母線擅短途，睇�a「福勝滿載」性能上與「玉峽生輝」較接近，1200米最有把握，勉強可跑到一哩，加上不少同系馬贏過谷草，響方嘉柏手中或會安排在「主場」搵食，值得一提，這馬落地無耐常戴眼罩甚至加埋頭罩操練，事實上來港前贏馬亦有眼罩，一旦出現配備變動，隨時是出擊響號。