胡森用人線路縱橫

不死鸟

在筆者的印象中，好似每季都有個中型倉口彈起，前季就有姚本輝大幅反彈，剛季就係胡森，呢個倉前季只贏17場，剛季竟贏多一倍，以34場頭馬過終點，表現真係令人驚訝，勝出率更達11%，比起告東尼或葉楚航仲要高，而胡森上季的代表作多的是，最令人佩服的可以話係贏4場的老馬「太平洋」。
翻查上季呢個馬房表現最好的路程係田草1400獨佔9場，但谷草一哩亦係佢最佳出路，總共贏7場，表表者當然係「重量級」，可見胡森旗下馬以中距離為主。
而用人方面就十分廣泛，柏寶、韋達及韋韜禮等外籍大師傅都曾為他建功，但新面孔韋健仕亦幫佢贏過4場，可見胡森部署十分出色。
剛季胡森雖取得極佳成績，但隨着旗下舊馬馬搏得七七八八，大部份評分高企，相信要贏30場唔係易事，新血中在煞科日剷入冷位的「首騎警」應值得吼住。