魄力之城擇肥而噬

不死鸟

有?馬房係熱門保衛者，好似蔡約翰便是最好例子，上季蔡?交出61Ｗ，當中33場都係大熱門，比率超過一半。而有些馬房則無冷不歡，講到贏冷門最多的馬房，非李易達馬房莫屬，上季20倍以上勝出或入位的冷門馬，共取得7冠8亞11季，而且不乏巨型冷門，贏出逾50倍過外繼有「開心多多」（83倍）、「皇龍飛駒」（52倍）、「大富之星」及「酒勝」俱是51倍。
而上述冷門馬有一共通點，就是全部都係一招了，其實馬迷知道那些馬房係大熱保衛者，專向這些馬房埋手捧大熱門，而那些馬房係爆冷專家，鍾意敲冷門的馬迷，亦可向這些馬房埋手，今次筆者以蔡、李兩?作冷熱比較，就係給讀者參考作存記。
翻查上季李易達馬房的馬匹在爆冷前全不入三甲，甚難捉摸，就好似上季爆出83倍的「開心多多」為例，該仗係由巫斯義策騎，所以要敲中他的冷馬，真係非靠福至心靈不可，假如日後見到李?超過30倍以上的冷門，而自己合心水的話，不妨拖多一票，或者以ＷＰ作捧場，分分鐘有意外收穫。另外李?旗下一些馬匹總係生成冷門命，就以「魄力之城」（上圖）為例，此駒歷來7次10倍以下悉數敗走，相反至今取得4冠2亞3季上名紀錄，則全部在10倍或以上，可見此駒宜冷不宜熱，日後捧此駒時，不妨睇賠率作取捨。