摸清作戰心態先值得落注

猪拉多纳

近排有連場歐國盃外圍賽及熱身賽上演，好似啱啱巴西搵咗土耳其「拍跳」輕鬆大炒4粒，無論係呢啲冇任何包袱嘅熱身賽，抑或因決賽周擴軍至24隊而令競爭程度大減嘅歐國外，都唔係「生與死」賽事，呢啲場合球隊毋須場場搏盡，好多時會令唔少投X者中招。

Calculated risk（可計算風險）唔怕冒，若要用金錢去押注的話，一定要押落能計算到風險嘅賽事，倘若某隊要贏波先出到線，當然值得支持喇，但如果你摸唔清隊波作戰心態，各位務必要忍吓手喇。因此，Peter通常會推介一啲從整季嚟睇會攞冠軍嘅球隊，始終成季流流長，就算偶爾一兩場失準，亦唔會導致支持者輸到焦頭爛額。
豬頭骨賽事小注怡情

好似今輪歐國外英格蘭對斯洛文尼亞、奧地利對俄羅斯及黑山對瑞典，均屬豬頭骨賽事，係咪名牌球隊贏硬呢？咁又未必。另外上屆盟主西班牙對白俄羅斯，「鬥牛國」真係可以輕鬆大勝３球？Peter就覺得有點兒冒險嘞，如果真係想參與吓不妨買波膽小敲為宜好過，無謂貿貿然押大注嘥晒籌碼。
金句：並非生與死的賽事，可避則避小敲為佳