山形平手盤坐和望贏

猪拉多纳

主帥揚言防守行先！

日乙剩番兩輪賽事，家陣有7隊波最後衝刺爭奪4個升班附加賽席位，當中第3嘅磐田山葉主場迎戰第6嘅山形山神，雙方都唔輸得，平手盤不妨博決意死守嘅山形1.88倍「客勝」，因為磐田呢期有啲謝謝哋。

（開賽時間：周六中午1:00）
磐田鋒線跌watt

目前磐田以66分排第3，領先第6嘅山形5分，只要贏多場都入到附加賽。相反山形好牙煙，佢哋家吓掹緊車邊，落後第5嘅千葉市原1分，又只多「七哥」大分三神1分咁大把，其實今日和波都有危機，贏波先係最保險嘅事。

但係山形自己知自己事，磐田呢班波近排係沉咗啲，連和咗4場，不過佢哋嘅攻擊力公認有日職級數，中鋒前田遼一、中場松井大輔，出擊雙閘駒野友一、小川大貴構成嘅火力，足以橫掃日乙，可惜近期呢幾個人都跌咗Watt，今日又有中堅藤田義明坐波監，中場甚至可能起用田中裕人呢件後備，主場都未必值得睇高一線。

從往績去講，山形作客磐田比較蝕底，4次對陣只贏過1次，輸嘅兩場都畀人炒鋪杰嘅，但係佢哋有自知之明，主帥石崎信弘話到明今場防守行先，即使得1分落袋，壓軸戰主場對東京綠茵只要W得出，一樣有望保持排名前6爭升班，所以平手盤玩吓山形1.88倍「客勝」無妨。