孫子奇兵短途一哥

不死鸟

上文講到李易達馬房上季勝出頭馬冷門居多，而大熱門比例勝出率則較少，但旗下的「孫子奇兵」（下圖）則連仗大熱門勝出，更是李?旗下唯一低於兩倍以下的熱門保衛者，由此可反映此駒實力強勁，連李易達都認為無得保留，利用處於當打當勇條件替馬主爭功，睇番此匹優質佳駟，上季五捷於谷草1000米，均贏來兵不血刃，越贏越輕鬆，可見實力強勁，其潛力仲有幾多未知數，預計今季更成熟下，再贏多兩至三場不難做到。
「孫子奇兵」上季評52分在4班起步，2月18日首戰谷草1000米，在不為人注意下以17倍半冷門一放到底取勝，睇番在未段100米時，已見鞍上人潘頓半收韁過終點，難怪賽後被評磅員器重加其10分之多，就可知此駒實力幾咁強勁，第二仗升上3班再跑谷草1000米，臨場賠率熱到得1.8倍開跑，依然以半力言勝，之後再連勝3仗，當中包括2班賽均係贏來有餘末盡，由此再進一步顯示其實力大把在手。
暑期評分調整下，「孫子奇兵」評102分要在一班上陣，以目前分數跑谷草賽程不多，相信練者李易達會安排轉戰田草短途上陣謀功，睇番上季征服2班賽依然可以贏來輕鬆，4歲仔正處黃金期，敢言仍有大把上升空間。