柏寶中距離最耍家

不死鸟

澳洲騎師柏寶長駐香港多年，原來佢只係30歲出頭，真係後生可畏，多年來佢雖然一路被韋達食住，但我諗響廣大馬迷心目中，受歡迎程度應有過之而無不及。其實剛季柏寶共獲79場頭馬，表現十分出色。
回顧剛季柏寶各項路程成績，發現佢響中距離最為出色，尤以田草1400米與及谷草一哩，呢兩個路程合共取得37場溫拿，可以話係他的拿手好戲；但係跑長途賽就比較差，三個場地的2000或以上途程，加加埋埋總共只贏過兩場咁大把，來季想響長途捧佢場，真係要諗過先。
柏寶上季贏咗咁多場頭馬，代表作當然多的是，筆者就覺得佢響6月28日表現最為搶鏡，當日佢總共贏?4場，當中贏「勝利福星」及「家家興旺」都係抄出最外檔衝刺，呢兩場頭馬凸顯他的膽識及場地智慧。以柏寶的身手，新季如可得到更多實力座騎，應可以更進一步威脅韋達。