英格蘭「蘇」哥利

猪拉多纳

熱身賽都冇面畀！

今晚蘇格蘭喺主場同英格蘭進行拍跳，「三獅隊長」朗尼講明將今場當正鬥巴西或阿根廷咁踢，誓要贏波而回，既然「喼頓」叫到，班細點敢唔做，對住冇前冇後嘅蘇格蘭，1.85倍客勝依絲執。

（now621周三凌晨4:00直播）

朗尼賽前話由於蘇格蘭同英格蘭嘅歷史，同埋職業生涯喺蘇格蘭籍領隊費格遜同莫耶斯之下成長，令佢毫無疑問想擊敗蘇格蘭，所以今場唔會「玩玩吓」，當正鬥巴西同阿根廷咁踢，顯示出無比贏波決心。

當然啦，「三獅」主帥鶴臣應該會作出適當輪換，但占士米拿同阿歷士張伯倫上場鬥斯洛文尼亞只不過後備落場踢得幾分鐘，今晚落到場好氣好力唔在講，比拉希奴、巴克里同哥林張伯斯等新星博上位亦肯定搏盡，尤其是前鋒韋碧克弗到漏，最近4場斬獲5球，即使踢得半場都隨時有進帳，戰鬥力唔可以睇小。
蘇格蘭前後場傷兵多

雖然英格蘭門將赫特提前離隊返曼城，或者令到「三獅」捧場客擔心，但講影響其實蘇格蘭大得多，事關首席門將大衞馬素爾日前證實腹股溝拉傷唔踢得不特止，箭頭史提芬費查上場歐國外鬥愛爾蘭更被剷傷腳踝，需要提前返歸接受檢查，鋒線後防齊缺大將，今場硬碰連贏5場氣勢如虹嘅英格蘭，就算主場出戰都難發圍，揀客勝啱數。