英足盃艾迪索特+1發茅

猪拉多纳

今日有場英足盃重賽，由非聯賽球隊艾迪索特主場迎戰英乙嘅樸茨茅夫，兩軍十日前對戰，作客嘅艾迪索特爆冷同「樸茅」打和2比2，「樸茅」主場出戰都把握唔到機會贏波，佢哋作客例牌腳軟，近七場作客非和則負，今場又點會讓得起艾迪索特呀？阿King一於捧讓球主勝！

（周四凌晨3時45分開賽）

其實艾迪索特同樸茨茅夫係「同是天涯淪落人」，攞過英足盃冠軍嘅「樸茅」因財政問題喺幾年間由英超連跌3級到英乙，而艾迪索特曾喺2008年至2013年踢過英乙，跟住又係出現財困，出唔到糧畀班球員，終被行政接管。依家兩隊都重新出發，「樸茅」畀一班忠實粉絲接管，喺今年9月尾更宣布還晒所有債，而艾迪索特亦畀前主席所領導嘅財團接管，仲同車路士合作，提供場地畀車仔青年軍同預備組比賽，從中獲得可觀嘅酬金。
喀麥隆象國和氣生財

雖然「樸茅」脫離困境，但唔見得成績有改善，依家排喺英乙13位，主要係因為作客表現太曳，最近更錄得作客3連敗，上場聯賽作客輸畀普利茅夫0比3，係今季踢得最曳嘅一場，畀球迷鬧爆。冇錯，「樸茅」嘅級數係高過艾迪索特，但以佢哋咁嘅作客成績，實在揀唔落手，捧受讓嘅艾迪索特啦！

今日仲有幾場非國盃外圍賽，阿King揀咗兩場畀大家參考吓，先有D組科特迪瓦主場對喀麥隆，「象國」今場和波都夠分出線，喀麥隆更係鐵定出線，今場唔會阻人發達，和波不妨一博。至於同樣提早出線嘅突尼西亞喺G組主場對埃及，埃及想爭取以最佳第三名晉級，今場戰意鮮明，受讓值捧。