聖保羅下盤有「育」食

猪拉多纳

大佬話明要捧盃！

「今季我點都要攞個冠軍！」聖保羅傳奇龍門羅渣里奧近排不斷向隊友重複呢句說話，希望班細嘅畀面令佢光榮退休，所以今日場南球盃四強首回合，雖然呢支巴甲勁旅要作客對哥倫比亞嘅國民體育會，但係受讓平半1.88倍仲係抵博嘅。

（開賽時間：周四早上8:00）

已經成41歲嘅羅渣里奧，早排決定响季尾掛靴，雖則好多聖保羅球迷發起遊行，懇求佢繼續留效，不過佢依然不為所動，只係不斷咁叫班隊友幫幫手，今季無論巴甲定係南球盃，都咬實牙根搏殺，等佢可以捧完盃至收山，大佬開到口，聖保羅班人又點會懶懶閒先？
森巴兵質高半班波

但係由實際環境去睇，聖保羅爭巴甲冠軍係難過捧南球盃嘅，呢一點連中場大將甘素都承認，事關家陣聖保羅係就係排巴甲第二，不過唔只落後高士路4分，仲要打多人一場，相反南球盃差兩場波就入決賽，難度點都低啲。

更重要嘅係，聖保羅喺南球盃走到條靚線，對手只係哥倫比亞「三哥」國民體育會，秤人腳質素，聖保羅有卡卡、路爾斯法比安奴、甘素甚至柏圖呢啲過氣森巴兵壓陣，點都比國民體育會高半班。
客軍中場卡當拿歸隊

當然，國民體育會响哥甲唔算弱嘢，賽前仲得到哥倫比亞國家隊主帥比克之格外開恩，批准中場卡當拿離營返國，幫國民體育會打呢場大戰，但係主隊以往兩次响自己地頭撼聖保羅，全部只能夠和波收場，今日邊有本錢讓人平半呀？都係博聖保羅1.88倍下盤好啲。