富咸作客腳軟防線穿窿

猪拉多纳

賓福特好「大」喜「攻」

賓福特近期狀態好Fit，過去3場都成功擊敗對手全取3分，今晚佢哋喺英冠主場迎戰「作客蟲」富咸照計勝算唔錯，不過就算點氣勢如虹都好，查實賓福特過去3場都有失波，後防唔算穩陣，加上富咸過去10場作客失咗成24球咁多！既然兩隊都識攻唔識守，一於撐1.68倍「入球大」！

（TVB301周六凌晨3:45直播）
富咸10場失24球

賓福特喺呢個國際賽期前表現大勇，終止3場不勝頹勢之餘仲連贏3場，就連家陣位列英冠榜首嘅打比郡都唔係佢哋手腳！雖然呢班波季初喺英聯盃曾經主場0:1不敵今戰對手富咸，但以佢哋依家咁強勢，相信有機會報番一箭之仇。睇番佢哋近期嘅3連勝，完全歸功於火力夠晒猛，蓋過後防唔多穩陣嘅弱點，就算今場對手富咸作客表現麻麻，賓福特想保住「清白之身」都唔係話咁易。

客軍富咸今季成績唔掂，搞到依家喺榜下游徘徊，佢哋過去10場客戰狂失24球，條防線十足十豆腐一樣，相信今戰都好難頂得住賓福特嘅猛火進攻，入球大絕對捧得過啦！