潘頓線路縱橫

不死鸟

另一位澳洲籍好手潘頓比柏寶更年輕，依家先至廿幾歲，近季來港發展成績亦唔錯，剛季潘頓取得43場頭馬，雖被韋達及柏寶大幅拋離，但其實表現已經十分出色。
翻查上季潘頓各項路程成績，發現分布得頗為平均，田草贏?22場，谷草佔13場，泥地亦交出8個溫拿，可見佢騎功非常全面，完全唔受場地限制。另睇番潘頓剛季除?未騎過梁定華的馬外，其餘馬房都有交易過，反映佢頗受各練馬師歡迎，當中合作成績最好的係方嘉柏及李易達兩位，各提供?7場頭馬畀潘頓，以潘頓的人際網絡，相信來季要贏40場應該無乜難度。
要數潘頓剛季代表作，筆者覺得係贏「奪秒商人」這場，呢匹老馬好耐無贏過，剛季?總場次129場，鞍上人一路守住好位，差唔多臨尾300米先發力，明顯知道老馬力短，發力點恰到好處，終點前力挫「赤��雄威」，潘頓的發揮真係居功至偉。