綠茵Hea踢明醒山神

猪拉多纳

日乙今日煞科，十一場比賽同時間開波，穩奪冠、亞軍嘅湘南比馬及松本山雅來季肯定升班，降班形勢亦已塵埃落定，焦點將會落喺升班附加賽席位上，季尾愈戰愈勇嘅山形山神只要主場擊敗無欲無求嘅東京綠茵便可達標，捧讓球主勝。

（周日下午1時開賽）

日乙三至六名可以參加升班附加賽，排第六嘅山形山神只以一分領先第七位嘅大分三神，萬一山神失分而同時間三神贏波，山神便會被踢出前六，形勢上絕不容許山神揸流攤。山神最近六場聯賽五勝一負，每場至少入兩球以上，求勝決心爆燈，足證爭升班決心。對手東京綠茵已肯定護級成功，淨計戰意已和主隊差一截，而且球隊最近六場聯賽未贏過，今仗仲有巴西外援尼度坐波監，難有本錢充當攔路虎，讓球主勝可捧。