泰歷克防線穩 細守戴拿模

猪拉多纳

俄超最為人熟悉球隊不外乎莫斯科列強、辛尼特或魯賓卡山，泰歷克則比較陌生。泰歷克早年因為車臣內戰一度被禁止參與俄羅斯聯賽，直至04年贏得俄羅斯盃冠軍及取得升上俄超資格，球會才開始受注意。

泰歷克歷來最轟動嘅消息應該係2011年聘請前荷蘭名將古列治執教，但為時只係半年，之後佢哋大部分時間都喺聯賽榜浮浮沉沉，直到今季終於憑着穩健防守踢出好成績，聯賽至今十三場失九球，和榜首辛尼特俱為失波最少嘅球隊。今晚對手莫斯科戴拿模雖有古蘭爾、高哥連、華布拿等多名球星壓陣，但表現欠缺霸氣，就算贏波多數都係煲魚生粥「僅熟」，預計今場入波唔會多，首選1.68倍細盤。

（周日晚6時30分開賽）