維拉利爾趁基反彈

猪拉多纳

國際賽期歇一歇

今晚西甲維拉利爾主場撲擊基達菲。維拉利爾近況認真麻麻，計埋歐霸盃在內，近4場比賽不勝，錄得1和3負。慶幸上周有國際賽檔期頂一頂，總算有時間畀佢地檢討問題所在，始終維拉利爾整體質素較基達菲優勝，加上主場出擊，威力有一定保證，一於博「黃色潛艇」反彈，揀2.1倍「讓球主勝」。

（開賽時間：周一凌晨4:00）

「黃潛」近4仗不勝，有3場係作客，剩低嗰場喺主場被今季表現全面復甦嘅華倫西亞技術性擊倒，過程雖然有啲意外，不過華倫係實力分子，落敗係可以理解。其實維拉利爾進攻火力唔錯，仲好有觀賞性添！兩位廿歲出頭嘅小伙子，韋圖同摩西斯高美斯潛力高，仲愈踢愈好，不時有士哥，各位不妨留意吓佢哋。
基達菲11場入得8粒

基達菲暫時落後維拉利爾一分排聯賽第10，呢班波近況普普通通，近3仗勝和負各一。基達菲屬於實而不華嘅球隊，踢法爛打，鋒力平平係佢哋改唔到嘅惡習，踢咗11場聯賽，只係入得8球咁大把。正所謂久守必失，今晚作客火力唔錯嘅維拉利爾，相信唔會頂得好耐。