八發八中泥地尖兵

不死鸟

梁定華上季再聘都爾為帥，結果以15W畢業，偏偏亞軍卻達到35場，比頭馬超出一倍有多，難怪有傳媒開玩笑地為都爾起了個花名──「都二」，其實睇番上季梁定華馬房分布，季初時份擁馬40多匹，惟幾乎集中中下班次，加埋40分以下亦達到20匹左右，成績未能大幅反彈是情有可原。反觀新季養馬40匹，精英班仍然是重災區，但其他班次已十分均勻。華?馬上季雖然只勝出3匹大熱門，但入Q率卻相當驚人，足足達到50%，最主要是因為華?馬普遍欠叫座力，大熱門只得16場，而爆大冷則就只得一匹「金堡龍華」而已。
除「金堡龍華」肯定成為華?未來焦點外，旗下練馬師團體馬「八發八中」同樣唔簡單，事實上，此駒抵?後才不過操了個半月，首戰已有能力入Q，睇番當日滂沱大雨之下入直路仍未見身影，竟然可以在100米從大外欄?殺而上進佔亞軍，3歲美國馬不難成為新季泥地精英。