辛尼特主場凍瓜賓菲加

猪拉多纳

歐聯C組爭出線形勢相當緊湊，辛尼特主場對賓菲加，兩隊同分，今仗屬生死戰。論近況賓菲加較佳但卻受讓平半，皆因俄羅斯已進入寒冬，氣溫跌至攝氏-1至4度，同葡萄牙溫差足足有20度，對賓菲加球員適應性係一大考驗，辛尼特有地利，上盤博得過。

（有線61及201台周四凌晨1時直播）

辛尼特喺俄超已經放甩晒，可全力爭歐聯出線。俄羅斯歷史上無論打仗或者踢波，最惡武器就係寒冷天氣，辛尼特所在地聖彼得堡，現時天氣又凍又濕，亦會影響球場草地質素。特別係賓菲加球員慣咗南歐和暖氣候，去當地比賽，凍到手腳硬晒認真不利。
祖記炒得起馬模

另A組競爭亦好激烈，馬德里體育會主場對奧林比亞高斯，由於希臘聯賽因暴力事件而暫停，奧軍已經有兩個半星期冇踢過正式比賽，狀態成疑，造訪主場戰績極佳嘅馬體會，奧林比亞高斯未必頂得順。至於同組嘅祖雲達斯弗到爆，四連勝共入十五球，作客炒得起馬模。