捧皇馬讓球和更啱素

猪拉多纳

已篤定喺歐聯出線嘅西甲皇家馬德里，今晚作客瑞士巴素利踢B組第5輪。巴素利由於仍然要搶分，今場會放手一搏搶3分。不過，皇馬實力始終超班，加上今仗贏波就能追平球隊史上最長嘅15連勝紀錄，度士睇好「銀河艦隊」今晚順利贏埋，但客W得1.27倍太乏味，度士決定推介3.8倍嘅讓球和。

（有線62及202周四凌晨3時45分直播）
巴素利搶分必拚

巴素利現時以4戰6分排第2，只領先利物浦同盧多格德斯3分，仍未穩奪出線權，今仗不容有失。巴素利近期攞到5連勝表現唔錯，今場雖有射手馬高史達拿因傷缺陣，但另一前鋒舒基辛加殊近期頻頻有波入，主場出擊有力攻破對手大門。目前喺各項賽事攞到14連勝嘅「銀河艦隊」，今仗只要贏波就能追平球隊史上最長嘅15連勝紀錄。皇馬喺1960至61年及2011至12年球季都曾豪取15連勝，主帥安察洛堤自然希望將自己加入史冊，就算已取出線權都會力爭勝利。
客W太熱冇肉食

不過，皇馬今仗有中場大將莫迪歷因傷缺陣，加上巴素利主場表現甚具惡氣，「銀河艦隊」今仗相信唔會好似之前啲賽事咁贏得咁輕鬆；加上今仗客W只得1.27倍實在「冇肉食」，度士覺得皇馬最終只能以1球之差擊敗巴素利，度士決定推介有3.8倍嘅讓球和。