好波打孖上 兩場英超皆戲肉

猪拉多纳

今晚英超戲碼相當唔錯，雖然只得兩場唔似得昨晚咁多，但兩場均屬今輪最勢均力敵之戰，分別係修咸頓主場對「藍月亮」曼城，以及熱刺主場對愛華頓。曼城上周中歐聯擊敗拜仁，尚有一線生機令球員信心回升，而熱刺同愛華頓亦齊齊於歐霸贏波，儘管次席嘅修咸頓上周一意外地賽和維拉，不過呢支蔗渣價錢、燒鵝味道嘅球隊異軍突起，實在不容小覷，論聯賽榜排名更高曼城一位，故今晚激戰難免。
10倍和波過關值博

貴為上季聯賽盟主，查實「藍月亮」今季演出時好時壞，唔係好靠得住，就算乘住啱啱贏拜仁嘅氣勢，Peter認為佢哋頂盡只能同修咸頓打和。至於熱刺與愛華頓都志切力爭上游，今仗當然唔想輸波，Peter建議整條和波2串3，若果嫌買3注犯本的話，不妨直接玩和波2串1算數，3.3倍乘3.3倍有逾10倍，炒埋都有一大碟。
金句：兩場四隊今晚火併，貴精不貴多