爭入升班附加賽決賽 磐田靠體能爆贏山形

猪拉多纳

（日）2　磐田山葉 Vs 山形山神

「最後180分鐘」！呢句就係日乙升班附加賽嘅宣傳口號，亦係3支爭升日職球隊仲要經歷嘅搏鬥歷程。今日，磐田山葉主場會同山形山神爭入附加賽決賽，兩隊各有千秋，平手盤梗係揀地膽磐田啦。

（開賽時間：周日中午12:00）

日乙升班附加賽本來有4隊角逐，但第5位嘅北九州向日葵因場地設施唔合標準，攞唔到日職參賽證，結果今年附加賽變咗三缺一，第3名嘅千葉市原直入決賽，第4嘅磐田就要同第6嘅山形爭決賽資格。
山形雙線作戰蝕章

如果計往績，磐田、山形今季交手各贏一場，可以話係五五波。不過論到近況，磐田明顯比唔上山形，事關收咧前6場聯賽，磐田得5和1負，如果唔係差成咁，佢哋甚至有權入前兩名直接升班，相反山形就4勝2負，所以開平手盤非常合理。

從人腳去睇，磐田今日蝕底在中堅森下俊傷咗大髀，要由藤田明義頂替，好彩佢哋都唔係全都只有壞消息，前鋒白成東、迪臣保保、後衞坪內秀介全部傷愈，陣容其實完整過早排，而且山形除咗要踢日乙附，前幾日至打完日皇盃4強對千葉場硬仗，贏咗3:2入到決賽，雙線作戰嘅佢哋日程比較密，球員體能消耗大，今日作客磐田會好惡踢，平手盤要1.82倍磐田主勝合理啲。