好利皇大放異采

不死鸟

「好爸爸」轉投入告達理已係事實，之前馬主袁仕傑講及轉倉原因，佢話一早通知?練馬師薛達志會轉倉，但昨日睇回多份報章馬經版，某報引述前「好爸爸」練馬師薛達志身在歐洲接受美國賽馬網頁專訪表示，薛達志話他事前毫不知情「好爸爸」會轉倉，而他後來係由馬會受薪董事郭子貽打電話告知他才知悉，他聽後直言難於置信，原因係佢話之前曾同馬主袁生有商量過「好爸爸」今季的出擊部署，但現時袁生突然將「好爸爸」拉走，他除?無可奈何接受之外，亦有「作嘔」的感覺，聽完馬主及練馬師的言論，各位讀者包括筆者在內，誰人講真話、誰人講假話自會分析矣!
蔡約翰係一位擅長訓練ＰＰＧ的出色練馬師，之前在他手上的ＰＰＧ如「好利威」及「再豐裕」均取得多捷可印證，而今日所講主角「好利皇」，就正係「好利威」同主馬黃玉麟先生的愛駒，此匹ＰＰＧ08年來港後，於同年5月已開操，整整一年操而不戰，純是蔡約翰一貫對三歲年幼的ＰＰＧ不急進手法，之前?「好利威」亦係在3歲時操足一年才上陣，一上陣即光芒四射取得多捷，所以同主馬?「好利皇」與「好利威」部署同一模式，預計「好利皇」今季亦會大放異采，值得追捧。