神勇將軍谷戰較佳

不死鸟

有些馬匹真係會在某些場地表現特別出色，例如擅跑谷草、田草或泥地，而今次所講?文家良馬房的「神勇將軍」（上圖），就係跑谷草1200米比較其他場地及途程出色，所以此駒日後跑谷草1200米係值得看好。
「神勇將軍」前季來港後評70分居3班起步，跑過9仗，首6戰田草均落敗而回，而此6仗落敗共減去10分，跌至60分造就可以落4班跑，之後3戰轉谷草1200米分別得1冠1亞及一第五，悉數有獎金落袋，顯見特別擅跑谷草場地。睇番首戰谷草1200米，陣中曾經兩度受阻要勒避，但最後仍能跑得第5名，只負於頭馬「旅英愛駒」一乘而已。跟住一仗再跑同班同程，在締速不俗下負於頭馬「揀得準」得第二，表現更進一步。因呢場跑第二賽後加?1分，形成要回師3班，隨着馬匹狀態攀升，文家良當然不放過此機會，續出戰谷草1200米，果然有足夠狀態支持及途程適應強之下，以一又四分三身位輕取「哈哈妙」。
「神勇將軍」上季季初首兩回合先後在3班谷草1200米得亞軍，當中一仗係負於「源活海」，而「源活海」其後上到二班仍能入位，足證「神勇將軍」現居3班不蝕底，此駒除?擅跑谷草1200米外，更擅跑變化地，相信文家良今季仍專注以谷草1200米為主打路程，假如屆時場地起變化，勝望更濃，值得存記。