兩巴大戰全力數胡

猪拉多纳

歐聯F組，巴黎聖日耳門、巴塞隆拿大超班，拋離同組另外兩隊達10分以上，實屬罕見。兩軍今場對壘，為小組首名而戰，巴塞隆拿落後對手1分，爭勝意欲較強，主場讓到一球，獲一面倒睇好，認真誇張。但聖日耳門始終有級數，絕對唔會束手就擒，佢哋攻力不亞於巴塞，入波機會樂觀，首選入球大。

（有線64及203台周四凌晨3時45分直播）
阿積士尼科同樣鬥攻

撇開首循環作客2比3不敵聖日耳門，其實巴塞整體表現比呢支法甲豪門為佳，近期頻頻大炒，美斯弗爆全力數胡，有番巔峰時期水準。呢支西甲勁旅一大優點係唔錫力，上輪已獲出線權情況下，仍然強陣出擊對魚腩尼科西亞，大獲全勝。更何況今仗要同聖日耳門爭小組首名，相信巴塞會出盡全力。

聖日耳門為咗16強避開皇馬、拜仁、車路士等其他小組首名勁旅，亦唔放軟手腳，佢哋首循環可以3次攻破巴塞大門，盡顯級數，伊巴謙莫域亦弗，夠料入巴塞波。同組阿積士主場對尼科西亞，雙方力求贏波開齋，兼要爭歐霸盃席位，屬於鬥攻格局，同樣要大盤。