易發發班分鬆動

不死鸟

賀賢上季只取得27場頭馬，比起前季勝出40W大幅倒退近三成，成績下滑肯定跟旗下一批質新馬演出不爭氣有關，就連過去大力支持的「綵」系，季尾也變節轉投告東尼馬房；而昔日愛在同日大手出擊的賀賢，前季更試過一日5捷，偏偏上季最叻都只係起孖而已。賀賢目前養馬量保持40匹以上，大部份質新馬經過一季時間成熟進步之下，今季頭馬要衝破30大關理應不難，暑期雖然有不少馬匹離巢，同時亦招攬到不少新血，其中在上手沈集成馬房時跑第2仗已告出頭的「易發發」，幾可肯定有力成為賀賢今季取分之鑰匙。
「易發發」上季僅交出1W，本身根本拚搏不多，況且5戰裡頭，4次都抽大外檔，唯一排內檔就係勝出田草1400米一役，今季轉4歲必再進步，敢信3班也可攻陷。