勁飛馳評分有利

不死鸟

昨日講及黃汝安馬房?「歐洲駿馬」，此匹質新馬無點用過，今季大展光芒，今日再講另一匹同係Ｋ布?「勁飛馳」（上圖），筆者亦相信牠一樣可以好快交出成績。此駒係澳洲自購馬，3歲時在澳洲上陣6次，取得2冠1亞2季1殿，雖然只係贏處女賽，但當中亦有一場在70分讓磅賽勝出，可見實力不弱，來港後只係在上季煞科日上陣過一次，連同外地共跑7仗，跑得唔多下，應該有上升空間，值得追捧。
「勁飛馳」上季煞科日安排爭田草1200米，練者有此安排，無非給牠實際出賽經驗，贏輸唔重要，睇回牠該仗狀態頂多得七成，毛色糠兼肌肉鬆，想佢有表現都幾難，但跑落又唔失禮，陣中先被「輕越直前」橫越要收慢勒避，到直路最後200米正展開衝刺時，又被前排馬匹阻塞未能望空，卒之走入第七名，負給實力強勁馬「好友福」三又四分一馬位，在港首次出賽欠場地經驗，加上狀態不足兼受擠阻，跑第七名輸近已值得收貨矣。
展望今季「勁飛馳」踏入5歲，應是牠大熟黃金期，睇回牠在外地賽績，兩勝1400米分別在好地及黏地，可見牠不受場地限制，上季煞科戰上陣後，相隔15日後，已見練者安排牠踱步，而大圈開操時亦加入快跳工夫，反映練者有心安排季初爭功，作戰不多仍有大把上升空間，前景樂觀不容小覷。