多蒙特重現柏力

猪拉多纳

（六）11 哈化柏林 Vs 多蒙特

今晚德甲，足球台嗰邊有奧格斯堡對拜仁慕尼黑嘅「前列大戰」，球彩台呢邊就有哈化柏林主場迎戰多蒙特嘅護級戰！哈化同多蒙特上季喺德甲分別排11同第2位，依家居然淪落到排尾4同尾5，不過咁，多蒙特爛船都有三斤釘，上周重響勝鼓後，都係時候要開「行」引擎急起直追喇，今場一於直取1.51倍客勝！

（有線64及203、廣東體育周六晚10:30直播）

多蒙特前排喺聯賽經歷慘痛嘅5連敗，一度傳出會炒教練高普，仲話佢可能轉去英超搵食。好在班「蜜蜂仔」知恥近乎勇，近期表現開始好番啲，上輪以1:0贏賀芬咸後，信心大大提升，加上歐聯分組賽順利以首名出線，佢哋梗係會趁出年歐聯16強開始前，專注喺德甲搶分，「蜜蜂兵團」都係時候踢番應有水準，咁先可以同班「蜂迷」交代。
哈化柏林地頭死火

主隊哈化柏林最近喺地頭連輸兩場，仲要一球波都入唔到！隊波依家主要靠沙洛文卡勞喺前面搵食，辛度華拿等前鋒今季仍未開齋，睇嚟多蒙特要守住佢哋唔難吖。
頂占筍盤：多蒙特（客勝）