慕遜加柏不來梅大駁火

猪拉多纳

東南亞錦標賽今日上演決賽首回合，由泰國主場迎戰馬來西亞，論實力泰國梗係比馬來西亞優勝，近年佢哋嘅水平亦有顯著進步，主隊理應秤先少少。不過呢類賽事經常出現意外賽果，尤其係馬來西亞向來多問題波，好似4強首回合以1比2不敵技高一籌嘅越南尚算正路，但轉頭於次回合馬國失驚無神作客贏4比2晉級，戰果怪怪哋，跣到一眾上盤客攤攤腰，今時今日好多賽事制度完善，實在冇必要玩呢啲波，輸咗盞谷氣。

（now 670周三晚8時直播）

講番今次推介，德甲快車慕遜加柏主場對雲達不來梅，慕遜加柏季初確實眼前一亮，但呢類中型班都係打道氣，依家處於回氣期，讓到一球／球半略嫌過火，排尾二嘅不來梅為護級必定豁出去攻，呢場寧願轉玩大盤。

（周四凌晨3時開賽）
法福夠攻力打低哈化

同時間另一場法蘭克福主場鬥哈化柏林，後者雖然啱啱戰勝多蒙特，但「蜜蜂兵團」明顯行緊衰運，哈化狗屎撞棍贏波不能盡信，面對火力全開嘅法蘭克福隨時跪低，「法福」小讓平半上盤咪錯過。