近況表現回勇！朗斯上盤尼料

猪拉多纳

今晚法甲雙「斯」大戰，朗斯主場恭候尼斯。雖然朗斯依家排喺聯賽榜尾二，但呢排表現逐漸回穩，對上兩仗比賽都唔使輸。相反，尼斯鋒線啞火，近6場有4場冇波入，中後場亦有主將受傷唔踢得，主隊讓平半上盤有成2倍，值得捧場。

（TVB302周六凌晨3:30直播）

朗斯早前喺主場擊敗梅斯，結束4連敗劣勢之後，喺最近兩場鬥中游嘅蒙彼利埃同里爾都有分落袋，兩戰加埋入咗4球，射手古拿美仲重拾射門鞋，打破5場入球荒紀錄，就算另一前鋒查華利亞高掛免戰牌都唔怕。況且佢哋近2場主場取得1勝1和，呢班波無論係近期嘅狀態同鬥志都值得信賴，為咗脫離降班區域，今場肯定會搏盡搶分啦。
尼斯陣容不整

對手尼斯就處於聯賽中游，但佢哋近期演出認真麻麻，近6場有4場冇波入唔在講，當中3場作客僅得1勝2負，唯一勝仗係艱苦反勝包艇嘅卡昂3:2。雪上加霜嘅係，佢哋今戰有中場侯爾特同後衞奇雲高美斯兩名主將養傷不特止，就連首席射手卡路士艾度亞度都要坐波監，火力嚴重啞火，即使受讓都捧唔落手。