韋斯咸班底勝在平靚正

猪拉多纳

英超踏入快車賽期，非常考驗球隊耐力、後備深度；車路士、曼聯、曼城人腳充裕，肯定比較着數，不過部分中型班亦唔可以睇小，例如韋斯咸今季羅致唔少實而不華嘅球員，隨時跑出亦唔出奇。韋斯咸今晚主場讓包尾嘅李斯特城半一，上盤仍然值博。

（now 624周六晚11時直播）

韋斯咸現時可以力壓阿仙奴、熱刺、利物浦等名牌，高踞第四位，主因係增兵策略奏效，搵來迪亞法沙高、安拿華倫西亞、桑治、莫路沙拉迪等廉價高質球員，大大提升整體人腳實力，加上唔需要分身歐洲賽，以佢哋現時班底夠應付英超有餘，尤其係鋒線出現人滿之患，有得上陣一定搏命，成為球隊能夠長時間保持高水準嘅原因，今仗值得追捧。
QPR靠主場搶分要撐

反觀李斯特城根本唔夠班踢英超，經過季初一輪虛火後已經現晒形，近十一場聯賽錄得兩和九負，敗象已成可以繼續反。另外，昆士柏流浪（QPR）專注主場搶分，近四次主場三勝一和，今輪主場小讓西布朗平半，上盤要得過。

（now 635及668周六晚11時直播）

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！