咪淨係掛住英超 銀牌一樣咁精彩

猪拉多纳

無論係本地波定英超，今日嘅足球賽事好戲連場，球迷們有福了。首先講吓本港波，小弟兩間母會東方同南華今日下午將會正面交鋒，爭奪高級組銀牌決賽權，定必打甩髀，還記得1981年Peter領導嘅東方以4比0擊敗流浪捧走銀牌，當時仲有1966年英格蘭稱霸世盃嘅隊長卜比摩亞壓陣添！今次東方能否擊敗南華打入決賽呢？記得入旺角場捧場喇！
曼城紐卡素可秤先

睇完呢場銀牌大戰，食埋晚飯就返屋企睇英超，當然論戲碼以熱刺主場對曼聯最勁揪，但綜觀今晚各場英超，由於紐卡素喺自己地頭出戰特別犀利，而曼城自大衞施華傷愈復出拍住悍將耶耶托尼，一高一矮組合坐鎮中場可謂殺晒，因此這兩隊同樣喺主場迎戰愛華頓及般尼都可秤先。除咗呢兩仗會分出勝負外，其餘幾場好大機會和波，無論串埋過關抑或逐場咁買都幾和味！
金句：兩間母會火併行先，英超快車才是晚宴