新年願望東方王朝回歸

猪拉多纳

步入2015年，Peter喺度祝大家身體健康，睇波睇得開心啲。雖然今年冇奧運、歐國盃及世界盃等全球矚目嘅國際大賽，但其實並非壞事，凡事都要向好嘅方面去睇，球員減少咗國家隊嘅任務，可以專心應付球會級比賽，其實一樣咁精彩。
曼城可重返勝軌

而講到香港足運方面，希望來屆港超聯可以加多一隊，湊夠10隊，並預祝已捲土重來嘅母會東方，突破上季擸走一盃嘅成績，今季攞夠兩項錦標，喺弱市大搞兼且仲係母會，Peter梗係支持，寄望東方王朝回歸啦！

講番今晚英超，曼城上仗喺領先兩球嘅優勢下，卻未竟全功遭弱旅般尼逼和，未能趁榜首車路士失分追貼對手，確實唔抵，不過今仗坐鎮主場迎戰新特蘭，「藍月亮」應可重返勝軌。至於壓軸尾輪熱刺主場對車路士，究竟係咪一場困獸鬥呢？車仔主帥莫連奴對麾下喺聖誕新年快車頭3仗，取得2勝1和應該收貨，Peter覺得車仔今仗至少可以坐和望贏。
金句：沒有大賽的一年，並非乏味的一年