五關「主主」唔少得 李城回勇地頭拆「紐」

猪拉多纳

英總第3圈有英超戲碼上演，由「狐狸」李斯特城喺主場對紐卡素。雖然李斯特城喺聯賽包尾，但佢哋近期明顯有起色，相反紐卡素放走領隊柏杜後，隊長高洛仙尼竟然笠水拒絕以領隊兼球員身份領軍，立立亂要唔過，呢場係6寶金多寶重頭戲，毃3.6倍「主主」好過。

（開賽時間：周六晚11:00）

經過連續13場不勝後，李斯特城先喺聯賽作客1:0砌低侯城，跟手上仗落後兩球下作客2:2打和利物浦，雖然中場安迪京治同門將卡斯柏舒米高養緊傷，但左閘高捷斯基坐完波監復出，點都係好消息，話唔埋，佢哋會繼續轉運食住上贏多場。
紐卡素傷兵滿營

紐卡素喺放走領隊柏杜後，原本嗌隊長高洛仙尼兼任領隊，點知最後佢怕孭鑊，拒絕接受任命，要由助教卡華頂檔，結果喺3度領先下完場前被逼和般尼3:3，加上紐卡素傷兵滿營，前鋒柏比斯施斯停賽，作客出事唔奇喎！