葉士域治撐得住

猪拉多纳

英足盃鬥修咸頓不落下風

喺三個十年前，本港球迷能透過電視直播睇到嘅歐洲頂級賽事，就係歷史悠久嘅英格蘭足總盃，由於以前香港波好睇又踏入全盛期，而且科技冇咁發達，未有太多外國足球直播，因此當時有得收睇英足盃，已經係賞心樂事。

Peter還記得以往英足盃決賽，都習慣喺周六晚十點開打，總係踢得非常燦爛，而且每打完一圈，先進行下一圈抽籤，不設種子制度亦係其特色，好似踏入第三圈，唔理你有冇歐洲賽負擔，全部英超球隊都要加入戰團，都算公平。
車仔搵屈福特祭旗

講番今晚英足盃最具睇頭之戰，應屬修咸頓主場迎戰英冠仔葉士域治，雙方今季於各自級別嘅聯賽都打出超水準，令人刮目相看，後者依家排第二有力爭升班添，今仗隨時鬥得難分難解，Peter覺得葉士域治博得重賽機會唔奇。至於喺英超追到與一哥車仔同分嘅曼城，同樣坐鎮主場對英冠仔錫周三，相信都係Easy win，其同市死敵曼聯則作客實力更弱嘅英甲包尾大幡伊奧維，應可輕鬆晉級。倫敦雙雄車路士及阿仙奴剛於聖誕新年快車賽期表現麻麻，預計會齊齊喺自己地頭搵屈福特及侯城祭旗。
金句：往事還可回味的英格蘭足總盃