相見歡上升潛力大

不死鸟

早前介紹過幾匹上季表現出色的3歲Ｋ布馬，今季轉4歲成熟有進，必可發光發亮，今次所講?姚本輝馬房「相見歡」（圖）亦是此類份子，觀看過這匹質新馬上季作戰6仗，取得1冠2亞1季另一次第四及一次第五名，換言之，6戰均有獎金落袋，可見這匹忠心演出準繩之餘，實力亦不弱，展望新季轉4歲，成熟程度更進一步，必可大放異采，值得長線跟進。
「相見歡」為澳洲自購新馬，上季來港後評52分編入4班起步，初次上陣出戰田草1000米即拚入季軍，該場排1檔起步未算順利，躍出時有點昂首，但隨後即展現天生速度，很快已跟上前列，不久更已進佔前列位置，如非在最後200米受到「跑得叻」及「特好」兩駒左右夾擊之下未能盡展衝刺，有此擠阻，最後以頸位之微僅負得第三名，相信不勝亦應有第二名，而該場頭馬「特好」，其後亦增添兩場亞軍並且贏上3班，亞軍馬「跑得叻」同樣很快交出頭馬，顯見此役「相見歡」的表現甚具水準。
果然「相見歡」相隔一個月，再出戰田草1000米即取得勝果，好明顯是經過一場實戰後提升狀態的表現，贏馬升上3班之後再出兩仗亦得亞軍，只係輸點進度未足，再睇回季尾兩仗跑1200米得第四及第五名，初跑轉彎途程輸近也有水準，顯見牠處身3班不蝕底，今季轉4歲成熟更足，此匹優質佳駟大把世界矣！