利雲特拉科死火

猪拉多纳

利雲特近5場都未能敲響勝鼓，周六凌晨會對住另一支下游球隊拉科魯尼亞，「蝦兵鬥蟹將」下勝負難料，既然呢兩隊魚腩入球能力都唔高，1.45倍入球細熱一熱都要捧啦！

（開賽時間：周六凌晨3:45）
主隊態沉讓平半有暗湧

利雲特對上一次贏波已經要數到去11月尾，連同盃賽更已經8場不勝。佢同拉科都有同樣嘅問題，一樣係攻力薄弱。睇番利雲特近10次主場，只係入得6球咁大把，呢個亦係佢哋近7戰開足6場細嘅主因。拉科近況雖比利雲特好，但弊在一去到人哋地頭就冇料到，對上3場作客賽事輸晒不特止，當中仲只係入得1球咋，陰功！

呢場擺到明就係「海軍鬥水兵」，與其估邊隊會贏，不如簡簡單單捧個「入球細」好過。考慮到利雲特近況衰到貼地，對上6次主場鬥拉科仲輸咗4次，橫睇掂睇都讓唔起平半啦，要埋2.04倍拉科下盤。