咁多好波睇 去乜鬼嘢街？

猪拉多纳

今日又凍又冇馬跑唔出街喇，留番喺屋企睇波好過喇，唔係點叫做球迷呀。頭盤先睇3點嘅亞洲盃，於和暖嘅澳洲舉行必定好波連場，去到7點半有三色收費台直播嘅意甲國米主場對熱拿亞，Peter唔吼熱門國米，寧願買3.55倍和波，不妨補番條客勝。跟住10點就有古舊名城打吡羅馬對拉素，逢親打吡戰，所有數據掟晒落鹹水海，一於捧拉素下盤或和波，同時間出場嘅「傻豹」巴勒莫雖然冇直播，但挾住近8仗不敗嘅氣勢，作客費倫天拿有得受讓半一咁筍，千祈咪錯過。
曼聯夫添玩番多少

至於英超尾場曼聯返奧脫福球場迎戰修咸頓，紅魔主帥尹戈爾賽前話唔敢相信，陣中只得艾舒利楊格一名傷兵，依家陣容整幾可夫添出擊，由於修咸頓係佢哋爭前4歐聯入場券嘅勁敵，今仗必搏甩髀爭勝，紅魔嘅主勝有1.68倍，Peter覺得可以玩番多少，上周筆者推介5場全部中晒，希望今日乘勝追擊，斬多四両。
金句：球季球季，開鑼雙計!足球足球，夫復何求!