澳洲大把貨-1再追

猪拉多纳

經過首輪亞洲盃分組賽，衞冕嘅日本同東道主澳洲表現明顯超班，首輪半力都雙雙大勝，分組賽好難搵到對手。今日Ａ組澳洲再度出擊，迎戰上輪輸波嘅阿曼。原本被視為有力做攔路虎嘅阿曼首仗令人失望，計實力同表現仲差過澳洲首仗對手科威特，黑柴撐澳洲可以輕鬆再贏，推介1.93倍讓球主勝。

（now 671周二下午5時直播）

澳洲首輪大勝科威特，過程比想像中更輕鬆，雖然先失波但踢落不慌不忙，未完半場已反先對手，全場贏到4比1，其實仲有兩次中楣，加上科軍門將哈美特尤斯夫連番神救，凌厲攻勢水銀瀉地，而且澳洲喺下半場先後收起兩大主力卡希爾同羅比古斯，否則贏得更多，今仗雖有隊長積甸拿克受傷缺陣，但兵源充裕，乘勝追擊可望再炒一場。

阿曼上仗0比1不敵南韓，賽果唔算太差，但整體表現乏善足陳，完全欠缺組織能力，控球時間少得可憐，輸得少只因南韓踢得曳，今晚面對狀態更勇嘅澳洲好難翻身。
科威特鬥南韓大盤有計

頭場同組科威特對南韓，南韓上仗贏波贏唔到掌聲，領隊史泰歷克賽後亦承認攻守都做得唔好，承諾今仗會踢得更積極，右閘金昌洙同攻擊手李青龍上仗傷出上陣成疑；科威特上仗對澳洲踢460陣式擺明想死守，偷到雞入波先但跟住無力抵抗，防線脆弱甩漏極多，不過反擊幾有威脅，面對澳洲都組織到唔少有分量埋門，大敗過後今晚和波都唔掂實豁出去，入球大有2倍可以一試。

（now 671周二下午3時直播）