奄尖大少早熟速佳

不死鸟

一對在港未亮相Ishiguru子嗣，先講52分PPG「奄尖大少」，這匹「化工之昇」全兄弟，於周歲拍賣會低於2萬紐元被收回，估計購入價肯定唔貴，短線會是平靚正之馬，仄番上年兩歲在紐試過3次閘，頭兩次試600米分獲冠季，最後一次試800米得第3，上季新馬無跑，落地後亦試過800米閘，與同齡「好心星」齊過終點得第2，證明早熟有速度，今季4班起步一出便可派用場，以何良的穩陣作風，或先安排在谷中短途贏一場才再作部署。
薛?自購馬「森淼獵鷹」先前已介紹過，此馬栗色配白鼻樑，而且四蹄踏雪，與老豆、阿媽的棗色不同，來港前5戰得1贏4位，增程至1400米才出人頭地，性能上與「化工之昇」、「新薪」有差異，匹馬目前轉4歲，預料可再跑長一點，評70分應不吃虧，惟落入薛達志手中未必太急進。