熱刺重賽搏殺炒起般尼

猪拉多纳

英總同超聯一樣重要

熱刺今晚喺英總第3圈重賽主場鬥般尼，雖然爭前4名好緊要，但係主帥普捷天奴就話足總盃一樣重要，今場唔會Hea踢。另邊廂嘅般尼，就為咗護級未必會搏到盡。熱刺上次作客同般尼打和1:1，今次點會放過佢哋？一於撐2.22倍嘅「讓主」啦！

（廣東體育台周四凌晨4:00直播）
般尼留力護級

熱刺元旦日擊敗死敵車路士，但上場竟意外不敵水晶宮，排名跌出前4，難得普帥仲有捧走足總盃嘅決心，話到明今仗會全力以赴。佢哋嘅傷兵只得中場賴恩美臣同拉美拿，幸射手哈利卡尼入波頻頻，相信對班波嘅整體發揮影響不大。

結束季初聯賽10場不勝嘅般尼，近期戰績大有改善，近11場聯賽只係輸咗3場波。不過，佢哋依家喺英超谷底徘徊，為咗護級，好有可能放棄足總盃，今仗仲要作客，未必可以好似上場咁摸和熱刺。