史篤城硬淨靠得住

猪拉多纳

當起狐狸唔使讓波有戒心

亞洲盃如火如荼，又安排喺晏晝同黃昏時段比賽咁正，自然多人玩喇。隨住西亞球隊每況愈下，焦點無疑落喺東亞球隊身上，肥叔認為日本最具冠軍相，除咗有本田圭佑同香川真司等一眾大牌球星壓陣之外，經歷去年巴西世盃決賽周慘敗收場，吸取教訓後力圖重振雄風，況且貴為上屆盟主，佢哋亦希望冧莊，實力及爭勝決心兼備，嚟緊賽事記緊要（目及）實呢班「瀛男」喇。

講番今晚重心推介場次，係英超「雙城會」李斯特城主場迎戰史篤城，前者連盃賽近四場未輸過，當中仲贏過紐卡素同落後兩粒下逼和利物浦，全部贏盤令人刮目相看，不過勢頭咁旺兼有埋地利，莊家今仗依然企硬開平手盤，唔敢要「狐狸」讓波，似乎對佢哋有所戒心，而且史篤城不嬲硬淨唔易輸，既然唔使讓波頂盡走盤，肥叔認為史篤城捧得過。

（now 625周六晚11時直播）
維拉利爾飛勁要吼

至於西甲維拉利爾主場出戰畢爾包，後者今季畀歐聯拖累搞到元氣大傷，質遜一籌同板櫈深度不足嘅問題浮晒出嚟，就算如今歐聯出局，亦需要時間回氣，相反「黃色潛水艇」已經保持14場不敗，愈戰愈勇，莊家開到要讓半一咁辣兼低水，飛數又硬淨，睇嚟對「黃色潛水艇」個上盤甚有信心。

（now 632及TVB 13周日凌晨3時直播）